FIN DESTA GRAN EXPERIENCIA

Cando comezou este novo cuatrimestre nos me chamaba moito a atención a materia de novas tecnoloxías, a min nunca se me deron moi ben as tecnoloxías e non estaba seguro de que esta materia me gustara.

A pesar deses pensamentos iniciais, ao final acabei por collerlle gusto á materia ata convertirse na miña favorita neste cautrimestre. Aprendín un montón de cousas sobre programas para: editar vídeos, crear actividades didácticas, e por suposto, a facer un blog.

Finalmente, gustaríame decir que pouco a pouco voume dando conta do tipo de docente que quero chegar a ser e da forma na que quero que os meus alumnos aprendan, e grazas a esta materia avanzei un pouco no meu camiño a convertirme nese tipo de docente, aínda que me queda moito.

Dito todo iso só me queda despedirme e agradecervos a vosa atención.

SEMPRE CON NÓS

Despois dun longo cuatrimestre, cunha variedade infinita de actividades e cunha aprendizaxe moi completa dun uso correcto das TIC na aula, despídome desta materia cun bo sabor de boca, o de saber que mellorei de forma exponencial na aplicación, uso e creación de contidos, entre outras cousas.

Sempre estarán con nos as TIC, en todos os ámbitos, e en específico, no ámbito educativo e no noso futuro coma docentes. Considero as miñas habilidades adquiridas as correctas para a poder aplicalas nun aula de primaria, pero tamén considero que debería facer cursos constantemente e tratar de dominalas de mellor maneira, xa que as novas tecnoloxías avanzan máis rápido que a nosas habilidades para utilizalas.

De volta no curso, solo me falta dar as grazas ao aos meus compañeiros e, por suposto, ao profesorado, que a pesar de ter distintos profesores e profesoras polos motivos pertinentes, a execución da materia e a coordinación entre eles foi excelente, a impartición de contido moi boa tamén e considero que aprendín moito con esta materia e información moi útil para o meu futuro coma docente

ADEUS NNTT SEMPRE TE RECORDAREMOS

Tras un longo cuatrimestre cheo de adversidades e pandemias a materia chega ao seu fin. Teño que admitir que en xaneiro "Novas Tecnoloxías aplicadas á Educación" sonábame a problema e máis cando tiven a primeira clase e escoitei cousas como "elaborar un e-book", "crear unha entrada no blog" ou "crear recursos educativos", sen dúbida este medo era causa do meu descoñecemento, 

Mais a día de hoxe podo dicir que se algún día chego a ser docente recordarei esta materia e intentarei ensinarlle aos meus alumnos e alumnas todo o que a min on me ensinaron. Nesta materia puiden aprender de primeira man a mellorar a aprendizaxe  ou como eu digo a facela divertida. Xerei coa axuda dos  meus compañeiros un libro de atividades, que se nos din fai cinco meses que o imos lograr non no lo creriamos nin tolos. Se botamos a vista atrás e pensamos en todo o que aprendimos, sacamos dúas conclusións, que sabíamos moi pouco e que as TIC en educación son fundamentais.

Así pois, o que teño que dicir é grazas, xa que aínda que tiven momentos de frustración nos que non sabía como seguir, logrei saber facer un pouco máis divertido aprender.

FIN DA VIAXE

Antes de nada, quero manifestar que dende un principio pensei que a materia Novas Tecnoloxías iba traer consigo diversos problemas, os que non sería capaz de controlar por min mesmo. 

Co paso das prácticas, a creación do blog e os diferentes contidos que os docentes impartiron, decateime de que podía ser unha asignatura moi agradable e da cal poder sacar moito proveito, non só nunha futura docencia senón que tamén na vida mesma xa que na actualidade as TIC desenvolven un papel moi importante no mundo.

En definitiva, considero que o paso por esta materia, vai traer consigo moitos coñecementos e destrezas que antes non tiña, e que no futuro vanme servir de moita utilidade. Tanto para impartir unha futura ensinanza que manteña moita relación coas TIC,  e que por desgraza eu non recibín no pasado, como para manexarme mellor no mundo das novas tecnoloxías en sí.

Dito isto, adeus e moitas grazas!!

PROXECTO FINAL

Coma última tarefa, elaboramos o xornal escolar que nos propuxemos ao principio do cuatrimestre, nel incluímos todos os recursos creados ata o momento.

Esperamos que vos guste!!!!

BENVIDO LIBRO DE ACTIVIDADES!!

Aínda que con un pouco de retraso aquí está o noso libro de actividades interactivas. Pedimos disculpas, xa que tivemos bastantes dificultades á hora de obter un enlace para poder mostrárvolo a todos e todas.

Foi unha experiencia xenial, logramos incluír múltiples actividades interactivas que permitirán entender un pouco mellor as múltiples vantaxes do deporte dunha forma lúdica, na que se aprénde case sen querer.

Finalmente, unha vez superados os problemas técnicos, o noso libro de actividades interactivas.

Esperamos que vos guste!!

WEBQUEST XOGOS TRADICIONAIS

Para acceder a nosa webquest preme neste enlace:
https://sites.google.com/view/xogos-tradicionais/p%C3%A1xina-principal?authuser=2

Velaquí unha foto da páxina principal. Esperamos que vos guste!!

UN LIBRO DE ACTIVIDADES INTERACTIVAS

Si, esa era a nosa tarefa esta vez, crear un libro de actividades interactivas. Como sempre, comezamos por buscar distintas ferramentas para elaboralo, das que sacamos dúas que nos parecían bastante boas, un power point onde foramos insertando as actividades de distintas páxinas ou Edilim, algo descoñido nese momento pero do que todo o mundo falaba como a ferrramenta perfecta para elaborar libros dixitais.

Por un lado, o power point era sinxelo e xa tiñamos experiencia, pero por outro lado Edilim semellaba estar moi ben e en youtube había múltiples tutoriais de como crear o nos libro.

Finalmente escollemos Edilim e a dicir verdade, entendemos que se falara tan ben del, xa que non tiña publicidade ningunha e as actividades creábanse no mesmo programa, aínda que tamén hai a posibilidade de insertar actividades externas. 

DEPORTE É ALGO MÁIS QUE GAÑAR

Tras moitas horas de grabación e edición... aquí temos o nos recurso audiovisual: a nosa curtametraxe DEPORTE É ALGO MÁIS QUE GAÑAR, esperamos que vos guste.

DEPORTE É ALGO MÁIS QUE GAÑAR

OBXECTIVO: RECURSO AUDIOVISUAL

A verdade é que no momento no que soupemos que a seguinte actividade era a realización dun recurso audiovisual, non nos fixo ningunha gracia, mais non por non gustarnos os recursos audiovisuais senón polo noso descoñecemento de como facelos.

Así pois, comezamos rápidamente a buscar ferramentas para elaboralo. Pronto descubrimos un mundo de posbilidades como o stopmotion, handrawriting, timelapse, videotutoriais... Nun principio a primeira opción era elaborar un stopmotion con bonecos, mais finalmente decidimos realizar unha curtametraxe onde os actores principais eramos nos, debido a que, dende o nos punto de vista,  ao ver persoas realizar as accións, séntese máis e a repercusión pode ser maior.

Velaquí o “DigitalStorytelling” da nosa curtametraxe DEPORTE É ALGO MÁIS QUE GAÑAR onde explicamos os contidos, obxectivos e metodoloxía.

RECURSOS DIXITAIS, APRENDER DE FORMA LÚDICA

Durante esta busca de recursos dixitais para que os nenos/as podan aprender a cerca do deporte e a vida saudable atopei unha gran cantidade de recursos que nos podían servir para alcanzar o noso obxectivo.

Finalmente optei por escoller un vídeo chamado "Actividad física, ejercicio y deporte". Neste vídeo fálase da importancia de facer deporte e de levar unha vida saudable e penso que pode resultar de gran utilidade para os nenos/as.

O outro recurso dixital que decidín escoller foi un quiz sobre os deportes no que os nenos e nenas deberán responder unha serie de preguntas relacionadas con certos deportes.

Estes son os enlaces nos que se atopan estes dous recursos:
Vídeo: https://www.youtube.com/watch?v=iYz2E-LLAl0
Quiz: https://www.proprofs.com/quiz-school/story.php?title=mtqynda2nq4c4g

RECURSOS DIXITAIS E DEPORTE DA MAN

Despois de realizar unha búsqueda de recursos dixitais para rapaces e rapazas relacionados co deporte, optei por escoller un video sobre o deporte nos máis cativos que serve para motivar e concienciar a estes de que mediante a execución de actividades diarias teremos una vida moito máis sana. Este video foi sacado da plataforma You tube,

Tamén escollín un xogo relacionado co mundo do deporte mediante o cal os nenos e nenas a parte de divertirse e pasar un bo rato, entrenaran a capacidade memorística dunha maneira bastante amena e 

levadeira. O xogo foi sacado da páxina web Mundo Primaria.

Nos seguintes enlaces pódese atopar os recursos dixitais mencionados:

https://www.mundoprimaria.com/juegos-educativos/juegos-de-futbol/juegos-futbol-cabezones

https://www.youtube.com/watch?v=_r1_xHlpLaE

RECURSOS DIXITAIS, APRENDER É DIVERTIDO

Tras revisar tantos recursos dixitais dinme conta da gran cantidade de maneiras para aprender, normalmente aprender está asociado ao aburrimiento, mais con estes recursos dixitais pode que sexa ata divertido.

Para elexir os recursos utilicei Youtube, fonte que todos coñecemos e que nos ofrece gran variedade de posbilidades; e o espazo ABALAR, fonte propia de Galicia onde moitos docentes comparten recursos creados por eles mesmos. 

Finalmente escollín un vídeo de Youtube onde fala sobre a importancia de facer deporte para a saúde  e unha actividade interactiva na que obxectivo é repostar correctamente as maiores preuntas posibles sobre deportes do mundo para gañar.

Velaquí os dous recursos:

• Vídeo
• Actividade Interactiva